Zyrtarë irakianë thonë se nga shpërthimet me bombë në Bagdat dhe në veri të Irakut janë vrarë së paku 48 veta dhe u plagosën mbi 250 të tjerë.
Dy kamionë me eksplozivë shpërthyen në afërsi të qytetit Mosul, ku u vranë së paku 28 njerëz dhe u plagosen rreth 150 të tjerë. Zyrtarët thonë se nga shpërthimet u shkatërruan rreth 35 shtëpi në fshatin shiit Khazma që gjendet 20 kilometra në lindje të Mosulit.
Mosuli konsiderohet si bazë e kryengritësve sunni dhe militantët atje kanë ndërmarrë një numër sulmesh.
Policia në Bagdad thotë se nga dy shpërthime me bombë u vranë së paku 20 veta dhe u plagosen rreth 100 të tjerë. 16 veta humbën jetën nga dy shpërthime, që kishin në shenjestër punëtorët të cilët ishin mbledhur dhe po prisnin për të gjetur punë në pjesët e kryeqytetit të banuar kryesisht nga shiitë.
Një bombë e tretë shpërtheu në distriktin Saidija të Bagdatit, duke shkaktuar 2 të vrarë e 14 të plagosur. //ii