Ambasadori
amerikan në Prishtinë, Christopher Dell, tha sot se integrimi i Kosovës
në strukturat euroatlantike do të përmbushet shumë shpejt, por për këtë
tha ai nevojitet përkushtim dhe guxim politik për vendime të vështira.
Në një ligjëratë publike kushtuar kësaj çështjeje, ambasadori Dell
tërhoqi vëmendjen në detyrat që duhet të përmbushë Kosovë në këtë rrugë
ndërsa u zotua për mbështetje të fuqishme të Shteteve të Bashkuara.