Kryeministri italian Silvio Berluskoni tha se numri i viktimave nga rrëshqitja e baltës në Siçili mund të shkojë në 50 vetë ndërsa ekipet vazhdojnë kërkimet për viktimat.
Agjencia italiane e lajmeve Ansa njoftoi sot se 21 trupa janë nxjerrë dhe se gati 100 njerëz janë të plagosur. Qindra njerëz u evakuan dje kur rrëshqitja e baltës shkaktuar nga shira të rrëmbyer përmbytën pjesë të ishullit Italian.
Zoti Berluskoni e quajti situatën shumë serioze. Agjencia Ansa tha se ai shtyu një vizitë në zonën e katastrofës për të shmangur ndërprerjen e përpjekjeve të shpëtimit.
Fshatrat
dhe zonat përreth qytetit të Mesinës janë më të prekura. Kryetari i bashkisë
Giuseppe Buzzanca tha se balta ka bllokuar rrugët dhe hekurudhën në zone.
Vazhdimi i rreshjeve po ngadalëson përpjekjet e shpëtimit. Qeveria italiane ka
shpallur gjendjen e jashtëzakonshme në zone.
Ministrat që po takohen në Stamboll thanë se rimëkëmbja është ende e brishtë dhe paralajmëruan se niveli i lartë i papunësisë vazhdon të përbëjë shqetësim së bashku me luhatjet e këmbimeve valutore. //mm/