Shqipëria dhe Hungaria diskutuan sot për të bashkëpunuar në plotësimin
e standarteve të Bashkimit Europian për integrim. Presidenti i
Hungarisë, Lazlo Sojlom deklaroi gjatë një vizite në Tiranë se
liberalizimi i vizave për Shqipërinë është një çështje teknike që
lidhet me pasaportat dhe kufijtë, gjë që sipas tij, mund të realizohet
deri nga fundi i verës së ardhshme. Vendet e Ballkanit mund të
integrohen në Bashkimin Europian për rezultatet e tyre individuale
ekonomike dhe jo për aresye politike. - theksoi presidenti hungarez.
Ndërsa presidenti Bamir Topi, theksoi se Shqipëria është tashme një
vend anëtar i NATO-s dhe po përparon me prodhimin e pasaporteve
biometrike.