Në Tiranë autoritetet njoftuan sot se janë të gatshme të nisin
menjëherë punën për plotësimin e pyetësorit që komisioni europian do të
dorëzojë për të dhënë opinionin e tij për kërkesën për anëtarësim të
Shqipërisë. Kjo e deklarua nga ministrja e Integrimit Majlinda Bregu,
një ditë pasi Brukseli njoftoi se kërkesa e Shqipërisë do të shqyrtohet
javën e ardhshme nga Këshilli i Ministrave të BE për t'i kërkuar
komisionit përgatitjen e vlerësimit.