Nënkryetari i parlamentit të Kosovës, Sllobodan Petroviç, tha në Tiranë se dy vitet e fundit që partia e tij është pjesë e qeverisë dhe e parlamentit është bërë shumë më tepër se më parë.
Në një intervistë për "Zërin e Amerikës" zoti Petroviç theksoi se serbët po e shohin tani vetë se integrimi i tyre në institucione mund të sjellë shumë të mira për ta.
Ai theksoi se edhe serbët e veriut ndjekin me shumë vëmendje integrimin e serbëve në institucionet e Prishtinës dhe se ishte opotimist se edhe ata do të ndryshojnë mendje.