Administratori civil amerikan në Irak, Paul Bremer, vlerësoi lart presidentin e vrarë të Këshillit qeverisës në një ceremoni të përmortshme në Bagdad.
Zoti Bremer tha se Izzidin Salim ishte i angazhuar të sillte demokracinë dhe paqen në Irak.
Ai tha gjithashtu se përpjekjet e terroristëve për të penguar transferimin e sovranitetit tek Irakianët më 30 qershor nuk do të kenë sukses.
Dhjetra njerëz ishin mbledhur në selinë e koalicionit në Bagdad për t’i bërë nderimet e fundit kryetarit të Këshillit Qeverisës irakian.
Zoti Salim dhe 6 persona të tjerë u vranë nga një makinë bombë dje në Bagdad.