Lidhje

Rusia nuk do të dërgojë paqeruajtës në Irak - 2004-07-24


Rusia tha se nuk ka në plan të dërgojë paqeruajtës në Irak, megjithë kërkesen e Bagdatit që Moska të dërgojë një kontigjent humanitar.

Ministri i jashtëm rus Sergei Lavrov tha se gjithsesi, vendi i tij po shqyrton mundësinë e ndihmave politike dhe ekonomike për Irakun.

Ministri i jashtëm i Irakut Hoshyar Zebari, i cili ndodhet në Msokë, i kërkoi Rusisë të dërgojë paqeruajtës.

Ndërkohë kryeministri i përkohshëm i Irakut Iyad Allawi u takua sot me presidentin e Sirisë Bashar al-Assad në Damask.

Dy udhëheqësit diskutuan rreth masave për sigurimin e kufijve të përbashkët për të mos lejuar elementë ekstremistë dhe terroristë që të hyjnë në Irak.

Po ashtu ata diskutuan rreth rifillimit të marrëdhënieve diplomatike, që u prishën në vitet ’80 kur Siria mbështeti Iranin në luftën 8 vjeçare Iran-Irak.

//rd//

XS
SM
MD
LG