Sipas njoftimeve të shtypit, zyrtarë amerikanë thonë se Al-Kaida ka shqyrtuar mundësinë e përdorimit të helikopterëve për të goditur objektiva në Nju Jork.
Revista Time dhe gazeta Nju Jork Times, thonë se këto të dhënat për sulmet e mundshme janë siguruar në Pakistan.
Revista Time citon zyrtarë të paidentifikuar amerikanë të kenë thënë se informacioni u gjet në kompjuterat e kapur në PAkistan muajin e kaluar.
Masat e sigurimit janë shtuar ndjeshëm në tre aeroportet kryesore për helikopterë në Nju Jork dhe kontrolli më i imtësishëm i udhëtarëve mund të fillojë këtë javë.
Nju Jork Timesi po ashtu njofton se specialistë amerikanë dhe britanikë, po analizojnë mbi 1 mijë disqe kompjuterash që u përkisnin 12 personave që u arrestuan në Britani si të dyshuar të Al-Kaidës.
Gazeta citon një zyrtar të zbulimit amerikan të ketë thënë se disqet përmbajnë informacione për plane të tjera terroriste për të sulmuar Shtetet e Bashkuara, të panjohura më parë.
//ze//