Shtetet e Bashkuara nuk pranuan rezultatin e zgjedhjeve presidenciale në Ukrainë dhe bënë thirrje për një rishikim urgjent të procesit.
Sekretari amerikan i shtetit Colin Powell tha se rezultati i zgjedhjeve nuk mund të pranohet si i ligjshëm pa u bërë hetime lidhur me akuzat për manipulime në masë.
Njoftimi i tij sot këtu në Washington u bë pak pasi zyrtarët në Ukrainë shpallën kryeministrin Viktor Janukoviç si fitues të zgjedhjeve të së dielës.
Kandidati rival i opozitës me prirje perëndimore, Viktor Yushchenko bëri thirrje për një grevë mbarë kombëtare.
Sekretari Powell paralajmëroi për pasoja në marrëdhëniet e Ukrainës me Shtetet e Bashkuara. Ai u bëri gjithashtu thirrje autoriteteve që të mos përdorin forcën kundër dhjetra mijëra demonstrusve pro-opozitës, të cilët kanë protestuar në Kiev.
Zyrtarët e zgjedhjeve në Ukrainë tha se kryeministri Janukoviç fitoi pak mbi 49 përqind të votave, 3 përqind më shumë se sa rivali i tij i opozitës, Viktor Yushchenko.
Vëzhguesit amerikanë dhe ata evropianë thonë se gjatë votimeve pati shkelje të mëdha.
//ze//