Në Australi moti i keq ka shkaktuar vërshime masive për dy ditë rresht dhe të dielën u gjet viktima e parë, një grua 41-vjeçare. Ajo po kalonte me makinë, të shtunën në darkë, kur ujrat e vrullshëm e shtynë makinën në një lum në Burketown.
Zyrtarët thanë se vërshimet kanë përfshirë një rajon më të madh se sa Franca dhe Gjermania të marra së bashku dhe kanë prekur 200 mijë njerëz. Një zyrtar i lartë i cilësoi përmbytjet “me përmasa biblike”.
Megjithëse ujërat kanë filluar të tërhiqen në disa zona, shumë qytete vazhdojnë të jenë të izoluara për shkak të përmbytjeve.