Kryeministri i Kosovës në dorëheqje, Hashim Thaçi, i tha Zëri të Amerikës se raporti i të dërguarit të Këshillit të Evropës, Dick Marty, ishte një sulm racist i drejtuar kundër Kosovës, Shqipërisë dhe gjithë kombit shqiptar. Në Intervistën dhënë korrespondentit tonë në Prishtinë, Besim Abazi, kryeministri Thaçi thotë se ky raport do të mund të ketë pasoja në procesin e njohjeve për pavarësinë e Kosovës.
Intervistën e plotë në të cilën kryeministri Thaçi flet edhe për zgjedhjet në Kosovë dhe përpjekjet për krijimin e qeverisë së re, do ta ndiqni të enjten në emisionin televiziv, Ditari.