Fondi Monetar Ndërkombëtar i kërkoi sot Shqipërisë që të përgjysmojë deficitin buxhetor, si një nga masat e forta për të siguruar qëndrueshmërinë e nevojshme makroekonomike. Misioni i FMN qëndroi për 10 ditë në Tiranë, dhe zhvilloi bisedime me drejtuesit e qeverisë, të financave dhe të bankave, si edhe me përfaqësues biznesi dhe grupe të tjera interesi të ekonomisë shqiptare.