Industria e riciklimeve në Shqipëri është tërësisht e gatshme që të mbrojë mjedisin, por ende i mungon mbështetja ligjore dhe bashkëpunimi i pushtetit vendor. Kryetari i shoqatës së fabrikave të riciklimit, Bardhyl Baltëza, pohon se kapacitetet industriale janë mëse të mjaftueshme që të përpunojnë mbetjet e letrës, plastikës dhe metaleve me ngjyra. Ai bëri thirrje që qeveria dhe pushteti vendor të ndihmojnë në ndarjen e mbeturinave urbane, të paktën në dy grupe; në konteinerë me mbetje organike dhe kazanë me mbetje inorganike; dhe kaq mjafton që i gjithë mjedisi i Shqipërisë të pastrohet në maksimum nga fabrikat e fuqishme moderne që janë ndërtuar.