Në Shqipëri në ditën e shtatë të grevës së deputetëve të opozitës dhe përkrahësve të tyre, presidenti Bamir Topi zhvilloi sot takime me ambasadorët e shteteve të Bashkuara dhe të Bashkimit Europian në Tiranë. Sipas njoftimit nga presidenca, në bisedime është vënë theksi në rëndësinë e rifillimit të dialogut për gjetjen e një zgjidhjeje lidhur me situatën e krijuar. Ndërkaq sipas mjekëve gjendja shëndetësore e grevistëve po rëndohet me tej. Dy prej tyre u dërguan sot pasdite në spital.