Çështja e dënimit dhe dokumentimit të krimeve të diktaturës komuniste në Shqipëri mbetet e hapur ashtu si edhe problemi i dëmshpërblimeve për ata që vuajtën. Zoti Uran Kostreci, ish i dënuar i diktaturës dhe shkrimtar, ka vuajtur për një kohë të gjatë në burgjet e komunizmit. Ai tha në një intervistë me Zërin e Amerikës se nga pikpamja morale dhe juridike asnjë nen i asnjë kushtetute nuk mund të lejojë të jetë gjykatës një njeri i cili ka dhënë dënime politike për mendime dhe për ide në kohën e komunizmit. Zoti Kostreci është autor i një numri përmbledhjesh me poezi dhe kohët e fundit ka botuar librin “Pabesia”.