Lidhje

Obama nënshkruan ligjin për homoseksualët në ushtri


Obama nënshkruan ligjin për homoseksualët në ushtri
Obama nënshkruan ligjin për homoseksualët në ushtri

Presidenti amerikan Barak Obama nënshkroi një ligj që do t’i lejojë homoseksualët të shërbejnë në ushtri haptas, duke e quajtur masën arritje historike.

Në ceremoninë e nënshkrimit sot në Uashingtonit, zoti Obama tha se shfuqizimi i politikës “Mos pyet, mos trego” do të forcojë sigurinë kombëtare dhe do të mbrojnë idealet për mbrojtjen e të cilave burrat e gratë në uniformë rrezikojnë jetën. Kongresi e miratoi ligjin javën e kaluar.

Megjithatë, presidenti paralajmëroi ushtarakët se masa nuk hyn në fuqi menjëherë. Zoti Obama tha se politika e vjetër do të qëndrojë derisa ai, sekretari i mbrojtjes dhe shefi i shtatmadhorisë të certifikojnë gatishmërinë e ushtrisë për zbatimin e shfuqizimit.

Zëdhënësi i Shtëpisë së Bardhë, Robert Gibs, tha se mund të duhen muaj për këtë certifikim.

Politika “Mos pyet, mos trego” detyronte pjesëtarët e forcave të armatosura të mbanin sekret orientimin e tyre seksual ose në të kundërtën përballeshin me përjashtim nga rradhët e ushtrisë.

XS
SM
MD
LG