Ligjvënësit demokratë dhe republikanë u ndeshën si çdo vit në fushën e bejzbollit, një ndeshje që Kongresi e ka kthyer në traditë, në shenjë bashkimi. Aktiviteti u zhvillua vetëm një ditë pasi dikush që kishte postuar në rrjetet sociale mesazhe kundër presidentit Trump, hapi zjarr në stërvitjen e republikanëve për ndeshjen e bamirësisë.
Një shkëputje e shkurtër nga politika për një natë….
Demokratët dhe republikanët harrojnë ndasitë gjatë një ndeshjeje miqësore bejzbolli, e cila u luajt në nder të republikanit Steve Scalise. Ky i fundit u plagos, bashkë me katër të tjerë, disa orë përpara eventit.
Pasi mbajtën një minutë heshtje, homologët demokratë të Scalises thanë se kjo ndeshje jepte mesazhe të qarta:
“Jemi të vendosur që aktet e dhunës të mos na pengojnë, si neve ashtu edhe njerëzit, që të jetojmë jetën.”
Prania e forcave të shumta të rendit nuk i pengoi tifozët të mbushnin shkallët e stadiumit, duke thyer rekordin e pjesëmarrësve në një event të ligjvënësve amerikanë...
“Në fund të ditës jemi një familje e madhe në Capitol Hill, pavarësisht nga debatet dhe mosmarrëveshjet.”
Shumë ishin veshur me lejla dhe flori, ngjyrat e ekipit të vendlindjes së kongresmenit.
“Ishte bukur që gjithë këta njerëz të mirë u bënë bashkë sot; shpresojmë që e mira të fitojë mbi të keqen, pasi kemi parë plot të këqija kohëve të fundit.”
Pavarësisht nga debatet e vazhdueshme politike, tradita e vjetër e Washingtonit gjithmonë ia ka dalë t’i bëjë bashkë ligjvënësit e Capitol Hillit...
“Janë një grup burrash dhe grash në moshë të mesme që japin më të mirën e tyre në fushë; është një ndeshje me shumë shpirt.”
Por teksa kjo loja ngjall shumë shpresa...
….Sanfordi pyet veten nëse të shtënat do shënojnë një kthesë.
((REP. MARK SANFORD, REPUBLICAN))
“Që të jemi shoqëri e civilizuar dhe e hapur, ne duhet të përpiqemi të bashkëpunojmë me njëri-tjetrin. Për shembull, unë nuk jam dakord me ty, 100 përqind, por ama nuk të urrej si person.”
((NARRATOR))
((STANDUP VERSION-KATHERINE GYPSON, VOA NEWS))
Një traditë vere që s’ndalet; t’i dhurojmë çdo njeriu në këtë park një moment uniteti, teksa vendi ecën përpara.
((Katherine Gypson, VOA News, Nationals Park))
Facebook Forum