Lidhje

Bisedime me Iranin mbi programin bërthamor


Gjashtë fuqi botërore po diskutojnë me Iranin mbi programin e tij bërthamor

Bisedimet mes Iranit dhe fuqive botërore kanë ndeshur në një pikë të vështirë pasi Perëndimi kundërshtoi thirrjen e Teheranit për zbutjen e menjëherëshme të sanksioneve ekonomike, ndërkohë agjencia iraniane e lajmeve njoftoi se propozimet që janë parashtruar duhet të rishikohen thellësisht.

Negociatat në Bagdad u zgjatën edhe një ditë deri sot, pasi zyrtarët amerikanë dhe evropianë thanë se mbeten të angazhuar për t’i gjetur një zgjidhje ngecjes.

Përfaqësuesit perëndimorë paraqitën një paketë propozimesh dje, ku i bëhet thirrje Teheranit të kufizojë prodhimin e karburantit bërthamor në pasurimin deri në 20 përqind që konsiderohet vetëm një hap më larg nga ai që përdoret për prodhimin e armëve bërthamore. Plani kërkon gjithashtu mbylljen e uzinës iraniane të pasurimit të uraniumit që është ndërtuar brenda një bukeri ushtark praqë qytetit të shenjtë të Qom-it.

Në shkëmbim, grupi i gjashtëshesh, pesë anëtarët e përhershëm të Këshillit të Sigurimit të OKB-së dhe Gjermania i kanë ofruar ndihma të ndryshme Iranit, përfshirë izotopet mjeksore, disa forma bashkëpunimi për sigurinë bërthamore dhe pjesë këmbimi për avionë civilë, për të cilat Irani ka shumë nevojë.
XS
SM
MD
LG