Ministria e jashtme kubane pranoi se një anije koreanoveriore e kapur pranë Kanalit të Panamasë po transportonte armë nga Kuba. Sipas sanksioneve të tanishme të OKB-së, Koreja e Veriut është e ndaluar të importojë armë apo raketa të sofistikuara. Autoritetet kubane megjithatë thanë se pajisjet ushtarake ishin të vjetëruara dhe ishin çuar për t’u riparuar në Korenë e Veriut.
Pajisjet e gjetura në bordin e anijes koreanoveriore u kapën ndërsa ajo përpiqej të kalonte përmes Kanalit të Panamasë. Në një deklaratë të ministrisë së jashtme, të lexuar në televizionin shtetëror kuban, thuhet se anija me destinacion Korenë e Veriut, po transportonte sheqer por shtoi se përfshinte gjithashtu dhe një ngarkesë prej 240 tonësh me armë të vjetëruara mbrojtjeje.
"Dy sisteme anti raketash, nëntë pjesë këmbimi raketash, pjesë avionësh Mig-21 dhe 15 motorë të këtyre avionëve të ndërtuar në mes të shekullit të kaluar, për t’u riparuar dhe për t’u kthyer në vend”.
Autoritetet panameze e ndaluan anijen nën dyshimet se po transportonte drogë, por aty gjetën material që i përshkruan si “pajisje të sofistikuara raketash” të fshehura në një ngarkesë me sheqer.
Presidenti panamez Ricardo Martinelli tha se kapiteni i anijes u përpoq të kryente vetvrasje dhe 35 anëtarët e ekuipazhit të tij u ndaluan pasi refuzuan të bashkëpunonin.
Do të duhen ditë që Panamaja të inspektojë armët që mund të përbëjnë shkelje të sanksione të OKB-së kundër programit bërthamor të Koresë së Veriut.
“Ne do të kërkojmë ndihmë ndërkombëtare nga vende mike, nga Kombet e Bashkuara por më shumë nga aleatët tanë, në se mund të dërgojnë ekspertë për të përcaktuar me saktësi këto armë, pasi ne nuk kemi ekspertë”.
Sanksionet e OKB-së e ndalojnë Korenë e Veriut të blejë apo të shesë raketa dhe teknologji bërthamore. Sanksionet u përforcuan pas provës së tretë bërthamore të Koresë së Veriut në shkurt.
Shtetet e Bashkuara thanë se mbështesin fuqishëm kapjen e anijes nga Panamaja. Zëdhënësi i Departamentit të Shtetit Patrick Ventrell tha se Shtetet e Bashkuara janë të gatshme të bashkëpunojnë me Panamanë në se ajo kërkon ndihmë.
Zoti Ventrell tha se anija e kapur ka një histori të përfshirjes me trafikun e drogës. Ai tha se Shtetet e Bashkuara janë në kontakt me Panamanë dhe po grumbullojnë informacione për ngarkesën e saktë të anijes.
Kuba komuniste është një nga aleatët e pakët të Koresë së Veriut që është e izoluar nga pjesa më e madhe e komunitetit ndërkombëtar.
Pajisjet e gjetura në bordin e anijes koreanoveriore u kapën ndërsa ajo përpiqej të kalonte përmes Kanalit të Panamasë. Në një deklaratë të ministrisë së jashtme, të lexuar në televizionin shtetëror kuban, thuhet se anija me destinacion Korenë e Veriut, po transportonte sheqer por shtoi se përfshinte gjithashtu dhe një ngarkesë prej 240 tonësh me armë të vjetëruara mbrojtjeje.
"Dy sisteme anti raketash, nëntë pjesë këmbimi raketash, pjesë avionësh Mig-21 dhe 15 motorë të këtyre avionëve të ndërtuar në mes të shekullit të kaluar, për t’u riparuar dhe për t’u kthyer në vend”.
Autoritetet panameze e ndaluan anijen nën dyshimet se po transportonte drogë, por aty gjetën material që i përshkruan si “pajisje të sofistikuara raketash” të fshehura në një ngarkesë me sheqer.
Presidenti panamez Ricardo Martinelli tha se kapiteni i anijes u përpoq të kryente vetvrasje dhe 35 anëtarët e ekuipazhit të tij u ndaluan pasi refuzuan të bashkëpunonin.
Do të duhen ditë që Panamaja të inspektojë armët që mund të përbëjnë shkelje të sanksione të OKB-së kundër programit bërthamor të Koresë së Veriut.
“Ne do të kërkojmë ndihmë ndërkombëtare nga vende mike, nga Kombet e Bashkuara por më shumë nga aleatët tanë, në se mund të dërgojnë ekspertë për të përcaktuar me saktësi këto armë, pasi ne nuk kemi ekspertë”.
Sanksionet e OKB-së e ndalojnë Korenë e Veriut të blejë apo të shesë raketa dhe teknologji bërthamore. Sanksionet u përforcuan pas provës së tretë bërthamore të Koresë së Veriut në shkurt.
Shtetet e Bashkuara thanë se mbështesin fuqishëm kapjen e anijes nga Panamaja. Zëdhënësi i Departamentit të Shtetit Patrick Ventrell tha se Shtetet e Bashkuara janë të gatshme të bashkëpunojnë me Panamanë në se ajo kërkon ndihmë.
Zoti Ventrell tha se anija e kapur ka një histori të përfshirjes me trafikun e drogës. Ai tha se Shtetet e Bashkuara janë në kontakt me Panamanë dhe po grumbullojnë informacione për ngarkesën e saktë të anijes.
Kuba komuniste është një nga aleatët e pakët të Koresë së Veriut që është e izoluar nga pjesa më e madhe e komunitetit ndërkombëtar.