Kryeministri serb Ivica Daçiç thotë se përmirësimi i marrëdhënieve dypalëshe me Shtetet e Bashkuara është një nga përparësitë kryesore për vendin e tij.
Zoti Daçiç i tha Shërbimi serb të Zërit të Amerikës se hedhja e themeleve të reja në marrëdhëniet serbo-amerikane ka qenë një përparësi e lartë që nga formimi i qeverisë së re të Serbisë vitin e kaluar.
Kryeministri Daçiç tha se është e nevojshme që Serbia të kapërcejë mendimin se Shtetet e Bashkuara janë kundër interesave të saj kombëtare dhe shtetërore. Ai tha se dy vendet nuk kanë arritur ende të gjejnë një gjuhë të përbashkët.
Zoti Daçiç i bëri komentet sot, në prag të takimit me Zëvendës Sekretarin amerikan të Shtetit William Burns në Uashington.
Kryeministri serb tha se përmirësimi i marrëdhënieve dypalëshe është një nga përparësitë kryesore për vendin e tij