Lidhje

Dita e Veteranëve: Trump vendos kurorë në Arlington, Biden në Pensilvani


President Trump, Wednesday
President Trump, Wednesday

Ndërsa amerikanët në të gjithë vendin po bëjnë homazhe për të gjithë ata që kanë shërbyer në Forcat e Armatosura të vendit, Presidenti Donald Trump dhe zonja e parë morën pjesë në një ceremoni me rastin e Ditës së Veteranëve në Varrezat Kombëtare të Arlingtonit, pranë kryeqytetit.

Në shiun që vazhdonte të binte, Presidenti Trump vendosi një kurorë përpara monumentit të ushtarit të panjohur, në shoqërimin e nënpresidentit Mike Pence.

Kjo është një nga paraqitjet e para publike të Presidentit Trump që kur rivali i tij demokrat Joe Biden siguroi votat e nevojshme të Kolegjit Zgjedhor për të fituar presidencën, sipas vlerësimit të organizatave të mëdha mediatike.

Ceremonitë e vendosjes së kurorave në në Varrezat Kombëtare të Arlingtonit kanë tërhequr mijëra njerëz në të kaluarën. Por ceremonia e këtij viti është e mbyllur për publikun dhe e ndryshuar në format, në mënyrë që pjesëmarrësit të mund të zbatojnë udhëzimet e sigurisë për pandeminë e koronavirusit.

Të gjithëve u është kërkuar të mbajnë maska fytyre dhe të praktikojnë distancimin shoqëror në mjediset e varrezave.

Me rastin e Ditës së Veteranëve, Presidenti i zgjedhur Joe Biden bëri një ndalesë në Përmendoren e të rënëve të Luftës së Koresë në Filadelfia.

Facebook Forum

XS
SM
MD
LG