Zyrtarja e lartë e Agjencisë Amerikane për Zhvillim Ndërkombëtar, Margot Ellis, i tha Zërit të Amerikës se Kosova duhet të përqendrohet në forcimin e sundimit të ligjit dhe zhvillimin ekonomik. Ajo tha se vendi ende po përballet me sfida në fushën e drejtësisë dhe u zotua për vazhdimin e mbështetjes së organizatës së saj e cila që nga përfundimi i luftës ka investuar mbi 800 milionë dollarë në Kosovë.