Banka Qendrore në Tiranë deklaroi sot se qytetarët po i shtojnë depozitat në sistemin bankar. Guvernatori Ardian Fullani, u bëri thirrje bankave që, këtë besim të madh që qytetarët po shfaqin ndaj tyre, ta shndërrojnë në një kreditim më të madh për ekonominë. Zoti Fullani deklaroi se sistemi bankar aktualisht është i shëndetshëm dhe po kapërcen pasojat që mori nga kriza ekonomike botërore.