Hillary Clinton është kandidatja më e preferuar e amerikanëve ndër kandidatët e mundshëm për zgjedhjet presidenciale të 2016-ës.
Rezultatet e një sondazhi kombëtar nga Universiteti Quinnipiac tregojnë se ish-sekretarja e shtetit gëzon mbështetjen e 61 përqind të demokratëve, në krahasim me 11 përqind mbështetje për nënpresidentin Joe Biden dhe 7 përqind për senatoren nga shteti Masaçusets Elizabeth Warren.
Anketa tregon gjithashtu se zonja Clinton udhëheq edhe mes sfiduesve republikanë.
Në mes të sfiduesve republikanë, senatori amerikan Rand Paul nga Kentaki ka mbështjetjen e 17 përqind të republikanëve të anketuar, guvernatori i Nju Xhersit Chris Christie 13 përqind, dhe senatori Marco Rubio nga Florida 12 përqind.
