Lidhje

Uragani "Florence" fillon të godasë Karolinën e Veriut


Erërat e Uraganit "Florence" u dobësuan ndërsa stuhia pritej të godiste Bregun Lindor të Shteteve të Bashkuara, por parashikuesit e motit paralajmërojnë për përmasat që do të ketë stuhia dhe kapacitetet e saj për të sjellë reshje të jashtëzakonshme që do të rrezikojnë jetën e njerëzve të gjendur në trajektoren e saj.

Njerëzve në Karolinën e Veriut dhe në Karolinën e Jugut u kanë mbetur vetëm orët e ditës së sotme për të marrë masat e fundit për t'i shpëtuar stuhisë.

Qendra Kombëtare e Uraganëve parashikon që erërat e uraganit do të mbërrijnë në bregdetin mes këtyre dy shteteve në orët e vona të ditës së sotme dhe në orët e para të ditës së djeshme.

Sandbags surround homes on North Topsail Beach, N.C., Sept. 12, 2018, as Hurricane Florence threatens the coast.
Sandbags surround homes on North Topsail Beach, N.C., Sept. 12, 2018, as Hurricane Florence threatens the coast.

Shpejtësia e tij e ngadaltë do të shkaktojë që Uragani "Florence" të godasë dy Karolinat me valë pas vale reshjesh të rënda, duke "shkaktuar përmbytje katastrofike dhe dalje nga shtrati të lumenjve".

Deri kur furtuna t'i jetë larguar rajonit, parashikuesit mendojnë se do të ketë hedhur 50 deri në 75 cm shi në zonat bregdetare, madje në disa zona do të arrijë deri në 100 cm. Në zonat më në brendësi të kontinentit reshjet do të jenë në nivelin 25 cm dhe më tej në 15 cm.

Një tjetër rrezik për banorët e bregdetit vala e përmbytjes nga stuhia. Edhe zonat normalisht të thata mund të përmbyten me deri 4 metra ujë që lëviz drejt tokës.

Qendra Kombëtare e Uraganëve tha se shpejtësia e erës të Uraganit "Florence" ka sot një nivel maksimal prej 175 km në orë dhe se do ta ruajë këtë shpejtësi deri në momentin kur të godasë tokën.

Por, për shkak se erërat me forcën e uraganit shtrihen në një rreze prej 130 kilometrash nga qendra e saj, njerëzit në tokë do të përjetojnë përkeqësim të ndjeshëm të kushteve shumë më përpara se epiqendra e uraganit të mbërrijë në tokë.

Korea War veteran, Ed Coddington, 83, second from right, and wife Esther, 78, wait with Markia McCleod, rear, her aunt Ernestine McCleod and daughter Keymoni, 4, in a shelter for Hurricane Florence to pass after evacuating from their nearby homes in Conway, S.C., Sept 12, 2018.
Korea War veteran, Ed Coddington, 83, second from right, and wife Esther, 78, wait with Markia McCleod, rear, her aunt Ernestine McCleod and daughter Keymoni, 4, in a shelter for Hurricane Florence to pass after evacuating from their nearby homes in Conway, S.C., Sept 12, 2018.

Rreth 10 milionë njerëz jetojnë në zonat e përcaktuara si të rrezikuara në uragani dhe stuhia tropikale për ditën e sotme.

Udhëheqësit e shteteve amerikane të gjendura në trajektoren e furtunës kanë paralajmëruar banorët të evakuohen nga zonat më të rrezikuara. Guvernatorët e Karolinës së Verit, Karolinës së Jugut, Virxhinias dhe Xhorxhias kanë shpallur gjendjen e emergjencës për të ndihmuar operacionet e ndihmave.

VIDEO: Zyrtarët bëjnë thirrje për evakuime përpara se të godasë uragani i paparashikueshëm

Officials Urge Evacuation Before Unpredictable Hurricane
please wait

No media source currently available

0:00 0:02:08 0:00

Presidenti Donald Trump tha dje se mbrojtja e jetëve është "absolutisht prioriteti i tij më i lartë".

"Do t'ja dalim mbanë. Jemi të gatshëm dhe të aftë", tha ai. "Jemi plotësisht të përgatitur. Ushqime, ilaçe, me gjithçka që mund të imagjinoni jemi gati".

Facebook Forum

XS
SM
MD
LG