Këto ditë, një grup kryetarësh të komunave në Maqedoni me banorë shqiptarë erdhën në Shtetet e Bashkuara për t’i bërë thirrje shqiptarëve nga Maqedonia me të drejtë vote të marrin pjesë në zgjedhjet e parakoshme parlamentare të 27 prillit. Imigrantët nga Maqedonia kanë të drejtë të votojnë nëpër ambasadat e vendit të tyre në botë dhe tre deputë në parlamentin e Maqedonisë dalin nga diaspora, nga Shtetet e Bashkuara, Evropa dhe Australia. Kryetari i Komunës së Dibrës, Ruzhdi Lata i dha të hënën një intervistë Zërit të Amerikës nga Nju Jorku.
