Të afërmit e personave që humbën jetën në aksidentin e autobusit në Italinë jugore u mblodhën sot jashtë palestrës së një shkolle, ku janë vendosur trupat e viktimave.
Të paktën 37 veta gjetën vdekjen mbrëmë kur autobusi ra nga një lartësi prej 30 metrash gjatë udhëtimit në një autostradë kryesore.
Autobusi u rrëzua mbrëmë natën në një përrua të thellë, pasi u përplas me disa automjete që kishin ngadalësuar shpejtësinë për shkak të trafikut të dendur. Udhëtarët ishin nga disa qytete të vogla pranë Napolit dhe po ktheheshin në shtëpitë e tyre pas një ekskursioni.
"Unë pashë se si mjekët dhe zjarrfikësit përpiqeshin për të nxjerrë trupat. Pashë mjekët me batanije plot gjak. Ishte e tmerrshme," thotë Antonio De Stefano, Kryetar bashkie i Monteforte Irpinos.
Ekipet e emergjencës që shkuan në vendin e ngjarjes thanë se 11 njerëz ishin shpëtuar dhe ishin dërguar në spital, disa prej tyre me plagë të rënda.
Sipas njoftimeve, në autobus kishte rreth 50 vetë - kryesisht italianë. Mjeti goditi një barrierë anësore dhe u rrëzua në humnerë nga një lartësi prej 30 metrash, pranë një zone me pemë. Gjatë rënies, ai shkatërroi një pjesë të mirë të barrierës prej betoni. Sipas policisë, shoferi i autobusit ishte mes viktimave.
Autobusi humbi kontrollin në afërsi të qytetit Monteforte Irpino në një zonë kryesisht bujqësore rreth 60 kilometra larg Napolit.
Të paktën 37 veta gjetën vdekjen mbrëmë kur autobusi ra nga një lartësi prej 30 metrash gjatë udhëtimit në një autostradë kryesore.
Autobusi u rrëzua mbrëmë natën në një përrua të thellë, pasi u përplas me disa automjete që kishin ngadalësuar shpejtësinë për shkak të trafikut të dendur. Udhëtarët ishin nga disa qytete të vogla pranë Napolit dhe po ktheheshin në shtëpitë e tyre pas një ekskursioni.
"Unë pashë se si mjekët dhe zjarrfikësit përpiqeshin për të nxjerrë trupat. Pashë mjekët me batanije plot gjak. Ishte e tmerrshme," thotë Antonio De Stefano, Kryetar bashkie i Monteforte Irpinos.
Ekipet e emergjencës që shkuan në vendin e ngjarjes thanë se 11 njerëz ishin shpëtuar dhe ishin dërguar në spital, disa prej tyre me plagë të rënda.
Sipas njoftimeve, në autobus kishte rreth 50 vetë - kryesisht italianë. Mjeti goditi një barrierë anësore dhe u rrëzua në humnerë nga një lartësi prej 30 metrash, pranë një zone me pemë. Gjatë rënies, ai shkatërroi një pjesë të mirë të barrierës prej betoni. Sipas policisë, shoferi i autobusit ishte mes viktimave.
Autobusi humbi kontrollin në afërsi të qytetit Monteforte Irpino në një zonë kryesisht bujqësore rreth 60 kilometra larg Napolit.