Presidenti Donald Trump tha se Venezuela kishte liruar nga burgu shtetasin amerikan Josh Holt. Ai u lirua të shtunën pasi u mbajt për dy vjet në burg pa gjyq.
Pritet që ai të mbërrijë në Uashington së shpejti dhe të niset më pas për në Jutah ku ka familjen.
[[ https://twitter.com/realDonaldTrump/status/1000366478846300165 ]]
Senatori Orrin Hatch, i cili përfaqëson shtetin Jutah në Senat, postoi një koment në Twitter ku thoshte se kishte punuar për lirimin e amerikanit Holt dhe bashkëshortes së tij, Thamy.
https://twitter.com/senorrinhatch/status/1000367541414449154
Senatori Hatch falenderoi edhe kryetarin e Komisionit të Senatit për Marrëdhënie me Jashtë Bob Corker, i cili u takua të premten me Presidentin venezuelian Nicolas Maduro në Karakas, në përpjekje për të siguruar lirimin e amerikanit. Josh Holt mbahej në burg nën akuza për armëmbajtje. Ai thotë se akuzat ishin të sajuara.
26-vjeçari Holt kishte shkuar në Venezuelë për t’u martuar me një grua me të cilën ishte prezantuar në internet. Policia e arrestoi Holt pasi gjeti një pushkë dhe granata gjatë bastisjes së kompleksit të banimit, ku jetonte çifti. Holt i ka hedhur poshtë akuzat.
Facebook Forum