Drejtuesi i serbëve të Bosnjes në kohën e luftës Radovan Karaxhiç tha se duhet të shpërblehet pasi bëri gjithçka për të mënjanuar luftën, ndërsa filloi mbrojtjen sot në gjykatën e Hagës për krimet e luftës.
Karaxhiçi po gjykohet nën 10 akuza për krime lufte dhe gjenocid gjatë luftës së Bosnjes që pasoi shpërbërjen e Jugosllavisë në vitet 1990.
Karaxhiçi akuzohet për orkestrimin e masakrës së 8 mijë burrave dhe djemëve myslimanë në Srebrenicë në korrik të vitit 1995. Ai ngarkohet gjithashtu me përgjegjësinë e rrethimit tre-vjeçar të Sarajevës nga viti 1992 në vitin 1995.
Karaxhiçi i ka mohuar akuzat. Ai tha sot se është një njeri i butë dhe tolerant, që u përpoq të pakësonte vuajtjet njerëzore gjatë konfliktit.
Karaxhiçi kaloi 13 vjet në arrati pasi iu ngritën akuza nga gjykata ndërkombëtare për krimet e luftës. Ai u arrestua në vitin 2008.
Po sot në Hagë, filloi gjykimi i të dyshuarit të fundit për krime lufte. Goran Haxhiç i arrestuar në vitin 2011. Ai akuzohet për vrasjen dhe deportimin e detyruar të njerëzve gjatë luftës katër vjeçare në Kroaci, që përfundoi në vitin 1995.
Karaxhiçi po gjykohet nën 10 akuza për krime lufte dhe gjenocid gjatë luftës së Bosnjes që pasoi shpërbërjen e Jugosllavisë në vitet 1990.
Karaxhiçi akuzohet për orkestrimin e masakrës së 8 mijë burrave dhe djemëve myslimanë në Srebrenicë në korrik të vitit 1995. Ai ngarkohet gjithashtu me përgjegjësinë e rrethimit tre-vjeçar të Sarajevës nga viti 1992 në vitin 1995.
Karaxhiçi i ka mohuar akuzat. Ai tha sot se është një njeri i butë dhe tolerant, që u përpoq të pakësonte vuajtjet njerëzore gjatë konfliktit.
Karaxhiçi kaloi 13 vjet në arrati pasi iu ngritën akuza nga gjykata ndërkombëtare për krimet e luftës. Ai u arrestua në vitin 2008.
Po sot në Hagë, filloi gjykimi i të dyshuarit të fundit për krime lufte. Goran Haxhiç i arrestuar në vitin 2011. Ai akuzohet për vrasjen dhe deportimin e detyruar të njerëzve gjatë luftës katër vjeçare në Kroaci, që përfundoi në vitin 1995.
Mendimi juaj
Trego komentet