Të mërkurën nisi procesi gjyqësor ndaj një aktivisti të shquar kinez për të drejtat e njeriut, i cili akuzohet për përmbysje të pushtetit shtetëror.
Wang Quanzhang shquhet për mbrojtjen e anëtarëve të lëvizjes shpirtërore “Falun Gong”, e shpallur nga qeveria komuniste në pushtet si një lëvizje e paligjshme.
Wang, është një ndër qindra aktivistë të të drejtave të njeriut që janë bërë pjesë e një goditjeje masive nga ana e qeverisë.
Të mërkurën mbështetësit e tij u përleshën me policinë jashtë gjykatës në qytetin Tian-jin.
Gazetarët nuk u lejuan të merrnin pjesë gjatë seancës dëgjimore. Gruaja e zotit Wang tha se dhe asaj gjithashtu i ishte mohuar hyrja në gjykatë.
Facebook Forum