Lidhje

Hagel diskuton situatën e sigurisë në Detin e Kinës Lindore


Sekretari amerikan i Mbrojtjes Chuck Hagel ka konfirmuar se traktati amerikano-japonez për mbrojtjen është i vlefshëm edhe për një grup ishujsh mbi të cilat kanë pretendime si Kina edhe Japonia. Kina i ka përfshirë këta ishuj në përpjekjet e saj për të krijuar një zone të mbrojtjes ajrore.

Një zëdhënës i Pentagonit thotë se Sekretari Hagel bisedoi dje me homologun e tij japonez, Itsunori Onodera, për të diskutuar situatën e sigurisë në Detin e Kinës Lindore.

Zëdhënësi thotë se zoti Hagel “vlerësoi qeverinë japoneze që është treguar e frenuar pas njoftimit kinez”.

Zyrtarë të lartë të administratës Obama thanë se Nënpresidenti Joe Biden do ta diskutojë çështjen me zyrtarë në Kinë javën e ardhshme në kuadër të vizitës së tij në tri vende në rajon, ndër të cilat edhe një ndalesë në Japoni.

Të martën, Pentagoni njoftoi se kishte dërguar dy avionë B-52 pranë ishujve të diskutuar në sfidën e parë të drejtpërdrejtë ndaj përpjekjes së Pekinit për të vendosur një zonë të mbrojtjes ajrore.

Ministria Kineze e Mbrojtjes tha dje se i kishte diktuar menjëherë avionët dhe kishte ndjekur trajektoren e tyre. Ajo paralajmëroi se “Kina është e aftë të ushtrojë kontroll efektiv” mbi zonë.

Pentagoni tha të hënën se fluturimet nuk kishin zgjuar reagim të menjëhershëm nga Kina, e cila dy ditë më parë e kishte shpallur hapësirën ajrore si pjesë të zonës së re të mbrojtjes ajrore. Kina paralajmëroi të gjithë avionët të identifikohen para futjes në zonë dhe të respektonin urdhërat nga Pekini.
XS
SM
MD
LG