Papa Françesku ka shtyrë me një vit dy ngjarje të mëdha ndërkombëtare të Kishës Katolike, për shkak të paqartësive të shkaktuara nga pandemia e koronavirusit, njoftoi Vatikani të hënën.
Ndërsa Vatikani dhe Papa kanë shtyrë një numër ngjarjesh dhe udhëtimesh që ishin planifikuar për këtë vit, njoftimi i së hënës ishte hera e parë që pandemia ka ndikuar në planifikimin afatgjatë të Kishës Katolike, me 1.3 miliardë anëtarë.
Takimi Botëror i Familjeve, i cili do të zhvillohej në Romë vitin e ardhshëm, u shty për në vitin 2022. Dita Botërore e Rinisë, e cila ishte caktuar për në vitin 2022 në Lisbonë, u shty deri në vitin 2023.
Të dyja ngjarjet, të cilat zhvillohen në një vendndodhje të ndryshme çdo disa vjet, tërheqin turma të mëdha dhe përfshijnë udhëtime ndërkombëtare nga shumica e pjesëmarrësve. Ato zgjasin për disa ditë dhe Papa tradicionalisht merr pjesë në mbylljen e të dyja aktiviteteve.
Facebook Forum