Në Kosovë, qeveria miratoi planin për zbatimin e marrëveshjes për normalizimin e marrëdhënieve me Serbinë. Dy ditë më parë kryeministrat e të dyja vendeve, Hashim Thaçi e Ivica Daçiç arritën një pajtim në parim mbi planin e zbatimit të marrëveshjes e cila u siguron serbeve në komunat veriore të Kosovës, një shkallë të lartë të autonomisë. Zbatimi i marrëveshjes është kusht për përparimin e të dyja vendeve në proceset integruese evropiane.
