Në Kosovë, policia bëri të ditur se tre pjesëtarë të misionit të Bashkimit Evropian për sundimin e ligjit janë sulmuar në orët e para të mëngjesit të sotëm nga persona të panjohur. Incidenti, gjatë të cilit janë plagosur dy nga personat e sulmuar, ka ndodhur në pjesën veriore të Mitrovicës, skenë e kundërshtimeve ndaj pavarësisë së Kosovës dhe rrjedhimisht edhe të institucioneve të saj.
