Në Kosovë, autoritetet zgjatën afatin për procesin e privatizimit të Postës dhe Telekomit, ndërmarrjes më fitimprurëse në pronësi publike në Kosovë.
Komisioni Qeveritar për Privatizimin e kësaj ndërmarrjeje, u ka ofruar kompanive të interesuara afat për dorëzimin e ofertave të tyre deri më 15 janar të vitit të ardhshëm.
Një ndër arsyet që çuan në shtyrjen e afatit, sipas autoriteteve, ishte interesimi për mbështetje nga institucionet financiare, veçmas pas pranimit të Kosovës në Bankën Evropiane për Rindërtim dhe Zhvillim.
Aktualisht pesë kompani, përfshirë edhe ato nga Shtetet e Bashkuara janë përfshirë në rrethin e ngushtë të konkurrentëve për blerjen e 75 për qind të aksioneve të kësaj ndërmarrjeje.
Autoritetet synojnë të sigurojnë një çmim prej 300 deri në 600 milion euro me privatizimin e Postës dhe Telekomit.
Komisioni qeveritar vlerëson se procesi i privatizimit është duke u zhvilluar sipas standardeve më të larta ndërkombëtare dhe autorizimeve të dhëna nga Parlamenti dhe Qeveria e Kosovës. Procesi kundërshtohet nga organizatat sindikale dhe një pjesë e partive politike.
Procesi i privatizimit të Postë-Telekomit rifilloi në verën e këtij viti pas dështimit të tij në tetor të vitit 2011 pas akuzave të ngritura ndaj drejtuesve të lartë të kësaj ndërmarrjeje nën dyshimet për korrupsion.
Komisioni Qeveritar për Privatizimin e kësaj ndërmarrjeje, u ka ofruar kompanive të interesuara afat për dorëzimin e ofertave të tyre deri më 15 janar të vitit të ardhshëm.
Një ndër arsyet që çuan në shtyrjen e afatit, sipas autoriteteve, ishte interesimi për mbështetje nga institucionet financiare, veçmas pas pranimit të Kosovës në Bankën Evropiane për Rindërtim dhe Zhvillim.
Aktualisht pesë kompani, përfshirë edhe ato nga Shtetet e Bashkuara janë përfshirë në rrethin e ngushtë të konkurrentëve për blerjen e 75 për qind të aksioneve të kësaj ndërmarrjeje.
Autoritetet synojnë të sigurojnë një çmim prej 300 deri në 600 milion euro me privatizimin e Postës dhe Telekomit.
Komisioni qeveritar vlerëson se procesi i privatizimit është duke u zhvilluar sipas standardeve më të larta ndërkombëtare dhe autorizimeve të dhëna nga Parlamenti dhe Qeveria e Kosovës. Procesi kundërshtohet nga organizatat sindikale dhe një pjesë e partive politike.
Procesi i privatizimit të Postë-Telekomit rifilloi në verën e këtij viti pas dështimit të tij në tetor të vitit 2011 pas akuzave të ngritura ndaj drejtuesve të lartë të kësaj ndërmarrjeje nën dyshimet për korrupsion.