Kryeministri rumun Emil Boc i ka mbijetuar një votimi të tretë mosbesimi këtë vit duke mundësuar koalicionin e tij të brishtë që të ecë përpara me masat e nevojshme për të shtënë në dorë ndihmën ekonomike ndërkombëtare prej 25 miliard dollarësh.
Zoti Boc do të përballet me një mocion votëbesimi të enjten nga opozita politike. Opozitës i duheshin edhe 46 vota për të rrëzuar zotin Boc në votimin e sotëm. Qeveria rumune u qëndroi dy mocioneve të mëparshme të mosbesimi të nxitura nga shkurtimi i pagave dhe shtimi i taksave në qershor dhe tetor.
Qeveria e zotit Boc ka bërë thirrje për shkurtimin e shpenzimeve për të arritur pragun e kërkuar nga Fondi Monetar Ndërkombëtar. FMN po kërkon që qeveria rumune të shkurtojë defiçitin buxhetor nga 7.2 përqind në 6.8 përqind të prodhimit të brendëshëm.