Në Prishtinë, ministri britanik për Evropën, David Lidington, tha se vendi i tij është i përkushtuar ndaj pavarësisë dhe tërësisë tokësore të Kosovës dhe këto çështje nuk mund të jenë temë debatesh as në bisedimet e ardhshme ndërmjet Prishtinës dhe Beogradit. Ministri Lidington tha ndërkaq se kusht për tërheqjen e investimeve në Kosovë është qëndrueshmëria politike dhe mbështetja e sundimit të ligjit dhe luftës kundër korrupsionit.