Lufthansa anulon një numër fluturimesh për shkak të grevës në Paris

Kompania ajrore gjermane Lufthansa u detyrua të anulonte sot një numër fluturimesh në Paris, sepse ekipi i punonjësve në kryeqytetin francez është hedhur në grevë lidhur me planet për reforma. Në faqen e vet në internet, Luftansa thoshte se greva e paplanifikuar do të ndikonte në trafikun ajror të qytetit sot, e ndoshta edhe nesër. Kompania ajrore tha se do t’i sistemonte pasagjerët në fluturime të tjera. Luftansa tha se ishte duke biseduar me sindikatat për zgjidhjen e mosmarrëveshjes sa më shpejt që të jetë e mundur. Protesta filloi dje.