Sot në Maqedoni filloi viti shkollor për nxënësit e shkollave fillore, nëntëvjeçare dhe të mesme. Nxënësit shqiptarë vazhdojnë të përballen me probleme të teksteve shkollore të disa lëndëve të cilat ata thonë se kanë përmbajtje fyese. Ndërkohë, autoritetet qeveritare kanë kërcënuar katër shkollat shqipe të komunës së Çairit se nëse brenda tetë ditësh nuk kthehen emrat e vjetër të shkollave, ato do të përballen me gjoba dhe denoncime tek gjykatat përkatëse.