Në Maqedoni, partia “Dinjiteti” e njohur për qëndrimet radikale kundër shqiptarëve, ka ngritur një nismë për referendum, përmes të cilit synon dominimin maqedonas në komunat e Strugës dhe të Kërçovës, shfuqizimin e ligjit për amnistinë e ish-luftëtarëve shqiptarë nga konflikti i vitit 2001 dhe që këta të mos mund të kenë funksione publike. Partia ka filluar mbledhjen e nënshkrimeve të nevojshme, ndërsa faktorët politikë shqiptarë nuk shqetësohen nga ky veprim.