Autoritetet qeveritare maqedonase janë të bindura se raporti i progresit nga Brukseli do të jetë pozitiv. Por, analistët nuk shikojnë ndonjë avantazh edhe nëse raporti është pozitiv, me që nuk do të ketë një datë për fillimin e bisedimeve për anëtarësim në Bashkimin Evropian. Problemi i emrit të Maqedonisë ka bllokuar rrugën e integrimit të këtij vendi në Nato dhe në BE, ndërkohë që drejtuesit shtetërorë maqedonas emrin e vendit e lidhin me identitetin kombëtar dhe si të tillë nuk dëshirojnë ta ndryshojnë.