Mbetjet urbane vazhdojnë të jenë një shqetësim serioz për mjedisin në Shqipëri, kjo pasi shumë njesi vendore i hedhin ato buzë rrugëve apo lumenjve, duke ndotur mjedisin dhe rrezikuar shëndetin e banorëve. Megjithëse në Bushat, prej muajsh, ka përfunduar ndërtimi i një zone për depozitimin e mbeturinave për Qarqet e Shkodrës dhe Lezhës, bashkia e Shkodrës, vazhdon t'i hedhë ato në periferi të qytetit duke u bërë ndotësi më i madh i mjedisit.