Korporata “Sfidat e Mijëvjeçarit”, tha se ka pezulluar programet për Kosovën dhe rifillimi i tyre do të varet nga qëndrimi i qeverisë së Kosovës për tarifat ndaj mallrave serbe.
Në një njoftim të kësaj korporate thuhet se qëndrimi i Shteteve të Bashkuara lidhur me tarifat e Kosovës ndaj mallrave serbe është i qartë. “Heqja e këtyre tarifave do të përmirësojë ekonominë e Kosovës dhe do të ndihmojë në uljen e varfërisë përmes rritjes ekonomike". Derisa të zgjidhet çështja e tarifave të Kosovës, Korporata Sidat e Mijëvjeçarit do të pezullojë zbatimin e programeve për Kosovën.
Në komunikatë thuhet se “vendimi për të vazhduar me programet Korporatës Sfidat e Mijëvjeçarit varet nga veprimet e qeverisë së Kosovës. Shpresojmë që qeveria e Kosovës vendos që të zgjidh shpejt çështjen e tarifave në mënyrë që të vazhdojë me programet e Korporatës. Kur të gjendet një zgjidhje, Korporata Sidat e Mijëvjeçarit do të rifillojë programet”, thuhet në komunikatën e kësaj korporate.
Pezullimi është pjesë e sanksioneve të paralajmëruara nga zyrtarët ameirkanë, përfshirë edhe mundësinë e tërheqjes së trupave nga Kosova, në rast se nuk hiqen tarifat ndaj mallrave serbe.
Senatori amerikan, David Perdue, nxiti debate në Kosovë pas deklaratës se Shtetet e Bashkuara duhet të rishqyrtojnë praninë në Kosovë, nëse ajo nuk heq tarifat ndaj Serbisë, një qëndrim që u mbështet nga i dërguari amerikan për bisedimet Kosovë – Serbi, Richard Grenell, Këshilli Kombëtar i Sigurisë dhe i biri i presidentit Trump.
Postimi i senatorit Perdue, ngjalli reagime e shqetësime në Kosovë ku prania amerikane dhe përfshirja në proceset politike vlerësohen të pazëvendësueshme.
Facebook Forum