Memoriali i Heroit Kombëtar të Shqiptarëve, Gjegj Kastriotit, Skënderbeut, i cili u ndërtua 30 vjet më parë në qytetin historik të Lezhës, po tërheq interesimin e vizitorëve nga të gjithë trojet shqiptare. I ndërtuar në qendrën historike të qytetit dhe i pasuruar nga gërmimet arkeologjike të viteve të fundit, nga ekspedita shqiptaro-gjermane, Memoriali gradualisht po shdërrohet në një kompleks që dëshmon për një pjesë të rëndësishme të historisë kombëtare të shqiptarëve.