Në Kosovë, parlamenti pritet që të miratojë ligjin dhe ndryshimet e nevojshme kushtetuese për themelimin Forcave të Armatosura të Kosovës javën që po vjen. Miratimi do të mund të pasohej nga vendimi për shpërndarjen e parlamentit dhe shpalljen e zgjedhjeve të parakohshme parlamentare, që mund të mbahen në pjesën e parë të muajit qershor. Por, çështja varet nga kompromisi që mund të arrihet me përfaqësuesit e pakicave kombëtare që kushtëzojnë votimin me shkallën e përfaqësimit të tyre në parlamentin e ardhshëm.