Kosova sot shënon katërmbëdhjetë vjetorin e hyrjes së trupave të NATO-s që i dhanë fund luftës së viteve 1998 - 1999. Udhëheqësit politikë të vendit përgëzuan qytetarët e Kosovës dhe trupat e NATO-s duke e vlerësuar 12 qershorin si një nga datat më të rëndësishme në historinë e vendit. Në përvjetorin e katërmbëdhjetë të vendosjes së NATO-s në Kosovë, forcat e saj janë pjesë edhe e planeve për zbatimin e marrëveshjes për normalizimin e marrëdhënieve ndërmjet Kosovës dhe Serbisë.