Policia pakistaneze tha se ka arrestuar disa të dyshuar për të shtënat ndaj vajzës 14-vjeçare, e cila njihet në arenën ndërkombëtare për dokumentimin e mizorive të kryera nga talebanët.
Zyrtarët thanë se arrestimet u kryen në Luginën veriperëndimor Swat, ku Malala Yousafzai u qëllua në kokë dhe në qafë, ditën e martë, pasi kishte dalë nga shkolla.
Rreth arrestimeve nuk u publikuan shumë hollësi të tjera.
Po sot, një zëdhënës i ushtrisë pakistaneze tha se vajza është në gjendje të "kënaqshme". Gjeneral Majori Asim Saleem Bajwa tha se ditët e ardhshme do të jenë kritike për shërimin e Milala Yousafzait, e cila vazhdon të mbetet pa ndjenja dhe duke përdorur një aparat frymëmarrjeje.
Një zëdhënës i talebanëve në Luginën Swat tha sot se udhëheqësit e grupit vendosën disa muaj më parë që ta vrisnin 14 vjeçaren, dhe se njerëz të armatosur ishin caktuar për të kryer aktin.
Policia pakistaneze tha se ka arrestuar disa të dyshuar për të shtënat ndaj vajzës 14-vjeçare, e cila njihet në arenën ndërkombëtare