Parlamenti i Maqedonisë miratoi sot projekt-ligjin për përdorimin e flamujve të komuniteteve. Në bazë të këtij ligji, në komunat ku shqiptarët përbëjnë mbi pesëdhjetë përqind të popullatës, ata do të mund ta përdorin flamurin kombëtar në institucionet publike vendore. Por opozita shqiptare ka reaguar ashpër, duke i vlerësuar ndryshimet e ligjit si përçmuese për shqiptarët në përgjithësi. Flamuri shqiptar, aty ku do të mund të përdoret, do të jetë sa një e treta e atij shtetëror, maqedonas.