Lidhje

Përfundon numërimi i votave në Gjirokastër, Korçë, Fier dhe Lushnje


Përfundon numërimi i votave në Gjirokastër, Korçë, Fier dhe Lushnje
Përfundon numërimi i votave në Gjirokastër, Korçë, Fier dhe Lushnje

Proçesi i numërimit të votave ka përfunduar sot në mesditë në Gjirokastër për të njëmbëdhjetë njësitë e qeverisjes vendore. Socialistët kanë fituar Bashkinë e Gjirokastrës, ndërsa demokratët kanë fituar Bashkinë e Libohovës.

Në katër komuna që banohen nga pakica greke ka fituar Partia e të Drejtave të Njeriut , në dy Partia Socialiste dhe në pesë të tjera Partia Demokratike. Vetëm rezultati në një komunë është kontestuar nga kandidati i koalicionit të majtë “Aleanca për të ardhmen”, i cili humbi me katër vota ndaj kantidatit të djathtë.

Pjesëmarrja në votime është mbi 55% dhe vlerësohet e kënaqshme duke pasur parasysh nivelin e lartë të emigracionit. Nga rezultatet zyrtare që tashmë janë shpallur dhe në njësitë e tjera vendore në Jug të Shqipërisë del se ka fituar vetëm një grua.

Mimoza Arapi do të drejtojë Bashkinë e Konispolit në skajin më jugor të Shqipërisë. Ndërkaq, nga të gjitha njësitë vendore ka fituar vetëm një kantidat i pavarur. Vadimir Kumi që drejton aktualisht Komunën e Lukovës është rizgjedhur.Komisionet zonale zgjedhore njoftuan se edhe në dy bashki të mëdha atë të Fierit dhe të Korçës proçesi ka përfunduar. Niko Peleshi i Koalicionit të majtë në Korçë dhe Baftjar Zeqaj në Fier kanë fituar ndaj kantidatëve të koaliconit të djathtë duke ripërsëritur mandatet e tyre.

Të dhënat nga pikëkalimet kufitare flasin se ka përfunduar rikthimi në Greqi i disa mijëra emigrantëve shqiptarë që votuan të dielën e 8 majit në mjaft prej qendrave të votimit.

Ndërkaq në ritme normale aktiviteti janë të gjitha njësitë vendore që duket se nuk janë ndikuar nga fushata zgjedhore në shërbimet ndaj qytetarëve.

Të ngjashme

XS
SM
MD
LG